天譽素食

營業中

休息中

前日去開深水埗買野，經過見到有間素食館米順便試下。第一眼睇個餐牌就係到諗:依家d素食館原來唔止係做素食架,望真d原來係扮。最驚訝既係我見到有素魚生，於是就博一博試下,一上菜果陣有一瞬間以為真係魚生，食落口感都幾似"魚生"都ok.之後我地仲叫左個芝士海蝦伊面、沙嗲串燒雞柳、咖喱軟殼蟹。講真上菜果陣都真係以為自己係普通酒樓到食飯，因為個賣樣真係唔似素菜，首先講講個芝士海蝦伊面,個面鋪左好多"海蝦"芝士味都好濃下。沙嗲串燒雞柳，口感較結實,沙嗲汁不會辣。咖喱軟殼蟹，原來係腐皮脆黎架,入面係豆腐、紅蘿蔔粒等等，豆腐好滑，配合脆腐皮，一脆一滑，好好味。走果陣我地仲外賣左個芝麻糕,芝麻味濃，口感爽滑,又唔太甜好岩我呢d唔太鐘意食甜野既人。總體呢個揀素食館我都覺得唔錯，佢d員工服務態度又幾好又主動，衛生都幾好,一俾人感覺好舒服同親切,d野食又幾正。