豪園麵家 (已結業)

因為就腳，所以都會去屋企附近嘅豪園食吓飯，因為佢有露天嘅座位，所以平時去到都容易搵到位。雖然明知到減肥應該食得清淡啲，但去到都會想叫佢哋嘅鹹魚雞粒炒飯，明知唔健康，高卡路里，但因為好香，好開胃，次次都成碟食晒。媽咪就叫咗炒牛肉公仔麵，一樣都係好香濃，一樣都係好肥膩。哈哈哈！有時會叫佢哋嘅一口牛炆薯仔，送飯一流。之前食滿$200 ，就會送糖水，會覺得好滿足。但而家好似冇得送糖水啦。我會覺得係比較貴價小小嘅茶餐廳。