花斑茶社 (金龍樓)

營業中

休息中

四月尾新開張嘅時候買過黎飲，當時十分人多，買杯飲品要等半個鐘以上，落完單就周圍行下hea下啦，附近除左形點又無咩好行，不過呢一帶好多野食，睇定今晚食咩都好。終於等到有得拎，叫左三杯，左起芝士奶蓋四季春，薰花奶綠，黑糖珍珠厚鮮奶。芝士奶蓋本來叫無糖，但唔知係唔可以無糖定其他原因，黎到都係甜嘅，個人不喜歡甜茶所以覺得一般好飲，不過個四季春係靚茶葉黎嘅，好清香，芝士奶蓋都ok，芝味唔算好濃，叫做有芝味啦。薰花奶綠個名就好靚啦，實質係用綠茶沖嘅奶茶，茶味都幾香。最後個杯珍奶因為係固定冰同固定糖，個人覺得激甜，黑糖係香嘅，珍珠都有咬口，鍾意飲甜野就覺得好飲啦。佢啲茶係好飲，下次會叫純茶。