STAY BAR

🐯苦瓜銀菊露雞尾酒 有多張船飛會自己去多次🐭 ⭐️按「更多」睇詳細食評😋

懶惰二人組今次就齊齊上船，周生就搵唔到喇，不過響呢首天星小輪上，或者你可以搵到更多令你驚喜同流連忘返既野… Quizás, Quizás, Quizás… 與其仲響度諗，不如一上船行返轉啦！

1️⃣Cocktail
款款雞尾酒都特別調配過，用上我地成日見既味道黎做雞尾酒，好得意！唔覺唔覺我哋差唔多到試晒咁多款。

🍸Stay Bitter - 苦瓜遇上Cointreau，苦，但搵到同你對飲苦既人，又何妨共也乾杯再乾杯！

🍸Stay Home- 身邊總有人去親茶餐廳都叫凍檸茶，呢杯真係好似凍OT！不過易入口既要小心！分分鐘飲飲下飲多左🤭

🍸Stay Foolish - 甜美既紅色，打卡一流不止。又係另一款易入口，唔覺唔覺會碎既酒！

🍸Stay Sexy - 清爽既一款，茉莉花香，加上淡淡既柚子同紫蘇香。感覺清爽，但其實回味起黎個味道都幾有層次。

🍸 Stay Humble - 味道同present超級得意一款酒！佢個薰香令人印像深刻，片我哋就冇影到，只可以講好夢幻😌留返啲想像空間俾大家去試！試完返黎報告丫，唔該！

🍸銀菊露雞尾酒 - 呢款係我地當日去既限定雞尾酒，又真係有淡淡銀菊露既味！係幾特別，食得多蝦條薯條等佐酒小食，飲返杯呢個清清熱，再黎多幾round都冇問題！

2️⃣Shot Infused Tea

茶香酒香都有，你以為佢細細杯？唔該每款同我黎返shot先講，一shot唔夠同我飲多shot！不過有賣襯手，有啲夜左會賣晒！

🥃大紅袍威士忌
🥃茉莉花琴酒
🥃烏龍茶伏特加
🥃四季春龍舌蘭

3️⃣原漿啤酒
相信平時鍾意飲返兩杯啤酒既朋友啲原漿啤酒唔會陌生。俾一般啤酒有更濃麥芽香。不過個人都係鍾意飲呢度既特色雞尾酒多啲！

🌟🌟 🌟🌟 🌟🌟 🌟🌟 🌟🌟
❤️拎住杯酒維港景打卡是必需的
💚雞翼同咖喱魚蛋香辣惹味送酒一流
💛聽聞近排唔止Stay喺岸邊有時會駛出維港喎

Rating：
懶惰鼠 😻😻😻😻 +0.5
懶惰虎 😻😻😻 +0.5

📍 Stay Bar
尖沙咀天星碼頭

⏰營業時間星期五、六
19:30-01:00
*枱可以訂先網上訂位
亦可walk-in購票（$40）至少要消費一杯飲品。包記念品、話梅同埋chips!