ROYAL INN

下個月就係我既生日啦。 朋友們好愛錫我紛紛開始約我食飯，務求槽肥我為止😂今晚輪到兩位好妹妹邀約，知我鍾意打卡就預約左呢間餐廳。 果然，知我莫若妹，嚟到餐廳門口就俾花花世界吸引著，中間拱門進入好夢幻，店內法式設計簡約又浪漫，its really 👍. 我地一行3人，服務員推薦我地order set dinner for 2, 加多個main course就夠。 set dinner 包括 頭盤係海鮮拼盤，有螺，青口，蝦，蜆，生蠔同帶子，好豐富亦新鮮。 湯我地就加錢選法式龍蝦湯，非常濃郁味道，好味👍.主菜有香煎鳕魚柳墨汁意大利飯， 飯既軟硬度剛好，魚柳就一般。 另一主菜係法式大蒜磨菇忌廉烤雞配多士， 呢我我最鍾意，雞肉嫩滑，忌廉汁好香加埋大大隻咬落好有口感既磨菇，好配合。多士用嚟點汁，夠晒入味我地另外叫左個干邑火焰牛扒，7成熟肉質都算嫩。 甜品有法式可麗餅同埋另加左個焦糖布丁。唔好甜既我，就一般般。不過焦糖布丁好味d.整體餐廳佈置，食物味道，同埋服務員既service都係值得光顧。