就是偏偏喜歡你 (已搬遷) 新店位置

Blue Monday絕對需要多姿多彩的顔色中和下心情。調劑下心情快閃約Fd食個飯。超濃南瓜湯啖啖都係精髓，熱辣辣好好飲。菠蘿照燒鷄漢堡：麵包皮係黑炭包，烘到非常脆。最欣賞係菠蘿面有一層焦糖coating，難怪食落去脆口甜甜地，中和左右菠蘿的酸度，照燒鷄多汁入味，成個漢堡有不同層次，好食！海蝦意粉有4隻大海蝦，配菜同意粉都好多，一定食得飽。草莓香蕉奶昔：好鍾意呢杯奶昔，草莓香蕉係絕配，好足料，一口氣飲曬。餐廳真係被花所包圍，係女仔都會鍾意。朋友話呢間係共融餐廳，欣賞店主好有心。另外女店主好好服務，今時今日呢種態度買少見少。