望月軒

營業中

休息中

早幾日夜晚一家四口上去做節，因為阿媽唔食得辣，所以我地叫左個濃湯花膠椰子鍋湯底。花膠鍋湯味濃，而且夠香口，“陸”完全程都無口乾既感覺，湯“黏黏地”，入口感覺係幾滋潤，呢款湯底比個好評。配料雪花肥牛正常，黃喉爽口，其他野食基本上都正常，不過有樣野食值得提下既，係佢個韓國年糕條，口感“燕un",放入去滾一滾，吸埋啲湯味效果超正。呢間平日黎都還可以，但係一做節，一定要預早多少少時間訂位，唔係你都唔洗旨意入得到…價錢中高，但環境唔錯，果日我地訂果張台咁岩係海邊，如果每次都可以對住個海景食就一流啦XD!