就是偏偏喜歡你 (已搬遷) 新店位置

想拜訪呢間百樂中心嘅少女cafe好耐因為個花花牆真係好啱打卡晾相好靚如果有媽媽們想帶小朋友嚟聚會都好啱嘢食選擇多而且所有嘢都有種華麗感相信無論咩年紀去到都會覺得特別💖香辣南美海蝦意粉 🍝味道唔太辣反而係鮮茄醬味比較突出個醬有好多茄肉意粉唔會過硬過腍蝦又大隻又爽口仲有好多菇菌菠蘿照燒雞漢堡 🍔竹炭漢堡外脆內軟而且層次好多燒烤醬、雞、菠蘿、沙律菜、蕃茄、芝士旁邊仲配咗日式麻醬沙律同車厘茄午餐配嘅餐湯係南瓜蓉忌廉湯嘢飲嗌咗杯金金菠蘿熱情果梳打 🍹口味清新非常解渴熱情果好解膩之後見到隔離枱有啲打卡嘢飲都好靚餐廳用嘅所有餐具餐紙都好別緻如果鍾意花俏少女風嘅千祈唔好錯過💓