；可樂餅：紫芋栗子 / 南瓜 $28/兩件
記憶中上次食可樂餅係喺日本。呢兩件即叫即炸，炸得恰到好處，外脆內軟，炸漿唔會過厚或過於油膩，放入口依然熱辣辣。餡料飽滿，紫芋泥綿滑但偏甜，配埋粒粒碎栗子口感更豐富。
南瓜泥同樣綿滑，每啖都好滿足，記得點埋沙律醬呀！
；一口番薯仔 $18/8粒
番薯仔細細粒幾qq，一口size又方便食，味道香甜，好似donki嗰啲咁好食。
；黑豚肉鍋 $88
鍋物同拉麵一樣有好多湯底揀，我揀咗鏗魚湯 ，甜甜地好似日式邊爐嘅味。個鍋除咗黑豚肉之外仲有芋絲、金菇、娃娃菜、冬菇、洋蔥、蘿蔔、豆腐同日本板魚蛋（滿滿嘅蔬菜LOL），吸曬甜甜嘅鏗魚湯汁，係健康之選！
；東京風炭燒雞扒拉麵 $70
湯底有好多味可以揀，分別係豚骨、醬油、地獄辛辣、鰹魚、麵豉、蕃茄，悉隨尊便。今次嗌左蕃茄湯，湯底甜，飲完唔會口渴，應該無落味精。雞扒切件上，一共有四件，加左甜甜地嘅燒汁，係日式雞肉串嘅味，配搭得宜之餘肉質juicy。拉麵偏硬身，掛湯能力唔錯，仲有半隻溏心蛋、粟米、木耳、昆布、同日本板魚蛋，飽！
1
