Espresso Alchemy (美麗華廣場1期)

營業中

休息中

喺久違了嘅假期，同好耐無見嘅友人去尖沙咀行街。行到美麗華商場見到呢間cafe幾靚，橫掂攰攰地坐低食下嘢醫肚先。凍鮮奶巧克力 - 朱古力味幾濃，味道有點偏甜。熱伯爵茶鮮奶巧克力 - 入口有淡淡清香茶味好特別，杯面仲有用鮮奶拉嘅花。牛油果多士配鵪鶉蛋配沙律 - 蔬菜沙律好清新。多士大大塊好香脆，搽上濃厚牛油果醬好好味。鵪鶉蛋擺到成個鳥巢咁好得意。蟹肉味噌扁麵 - 芝士味幾重，入面仲有幾種菇，食落感覺健康。精選全日早餐- 主要有7種嘢食，分別係焗薯粒、香腸、滑蛋、煙三文魚、牛油果醬、多士同埋牛角包。份量都幾多，味道合格有餘。