華嫂冰室

疫情期間完全唔敢出街，今日因為要幫個女做兒童身分證，所以被迫全家出動！搞掂之後就去咗華嫂食早餐，實在太掛住個鹹牛肉包同埋芫荽皮蛋湯底，我就最最最最緊要食佢哋嘅煎魚餅，又香又薄又脆，當然唔少得杯奶茶啦！我覺得搬咗之後舒服咗好多，如果唔係太熱嘅話坐出邊都幾休閒，坐入邊所有冷氣嘆！不過雖然搬咗，但係枱嘅數量都係差唔多...即係都要好似以前咁繼續等位，我哋三個人10:30到都等咗半個鐘先有位，但係泊車就方便左！