蛋記

營業中

休息中

買完手抓餅，旁邊就係蛋記，順便食埋。本來仲有空間試下另一間做下比較，但另一間寫住放假數天。店內掛住呀蘇個樣，個人對佢冇乜特別感覺，所以唔係重點。普通雞蛋仔就15蚊，不過見「店長推介」呢款即管試下。見好多人都話有個呀叔態度唔好，不過我當日就冇遇到，係個呀嬸整嘅，態度冇乜特別。芝士雞蛋仔 $20個樣就整得幾靚，滑滑溜溜好完整。作為雞蛋仔就蛋味有點不足，相對甜度就冇咁高；芝士味薄弱兼唔太平均，有啲食到有，有啲就冇芝士味。不過蛋記嘅雞蛋仔，真係幾脆口，稱得上外脆內軟。以廿蚊而言，呢個價錢咁嘅質素則有啲貴，性價比唔高。