影片
更多
2016-02-20
3078 瀏覽
呢個下午茶自助餐啱啱出嘅時候，已經諗住黎食，最近openrice出咗65折優惠券，連加一先$180，冇理由唔黎食嘅!早一日打去訂位都仲有位，個場唔算多人｡見到麵包同酥餅雙眼發光但今次黎主要為食芝士所以要忍忍口｡首先係自助芝士火鍋｡有兩隻味分別係水牛芝士同車打芝士｡要食濃味當然要食後者｡配料同一般芝士火鍋一樣，有麵包、長通粉、西蘭大等等，另外有青口、煙三文魚｡不過始終唔喺自己個位食冇咁爽皮｡然後到最想食嘅意粉!! 同職員講好個意粉想落咩之後，佢會先煮一煮然後再放落個芝士車輪入面炒｡粉方面可以揀扁意粉、長通粉同蝴蝶粉，配料可以揀煙肉、洋蔥、蘑菇、蜆肉、蝦、火腿等等｡炒完意粉入面有一塊塊芝士，旁邊仲有啲調味料，忍唔住再落芝士粉，好味到食咗兩碟除咗用芝士整嘅野食，都有齋芝士食，不過唔見好多人切，鍾意嘅可以切大舊啲慢慢食，出去咁買芝士都唔平，所以$180真係抵另外仲有好多熱盤、有湯、豆腐花、中式糖水，刺身方面得三文魚同池魚，壽司會多啲選擇｡冷盤方面有青口、煙三文魚、火腿等等，亦都有沙律、生果、中式麵檔，就算唔係特別好芝士嘅都有好多選擇｡甜品擺滿兩張枱，影咗其中一半｡呢度嘅甜品認真麻麻，我試咗一半
早一日打去訂位都仲有位，個場唔算多人｡
見到麵包同酥餅雙眼發光但今次黎主要為食芝士所以要忍忍口｡
首先係自助芝士火鍋｡有兩隻味分別係水牛芝士同車打芝士｡要食濃味當然要食後者｡配料同一般芝士火鍋一樣，有麵包、長通粉、西蘭大等等，另外有青口、煙三文魚｡不過始終唔喺自己個位食冇咁爽皮｡
然後到最想食嘅意粉!! 同職員講好個意粉想落咩之後，佢會先煮一煮然後再放落個芝士車輪入面炒｡粉方面可以揀扁意粉、長通粉同蝴蝶粉，配料可以揀煙肉、洋蔥、蘑菇、蜆肉、蝦、火腿等等｡
炒完意粉入面有一塊塊芝士，旁邊仲有啲調味料，忍唔住再落芝士粉，好味到食咗兩碟
除咗用芝士整嘅野食，都有齋芝士食，不過唔見好多人切，鍾意嘅可以切大舊啲慢慢食，出去咁買芝士都唔平，所以$180真係抵
另外仲有好多熱盤、有湯、豆腐花、中式糖水，刺身方面得三文魚同池魚，壽司會多啲選擇｡冷盤方面有青口、煙三文魚、火腿等等，亦都有沙律、生果、中式麵檔，就算唔係特別好芝士嘅都有好多選擇｡甜品擺滿兩張枱，影咗其中一半｡
呢度嘅甜品認真麻麻，我試咗一半得兩件覺得好食，就係tiramisu同raspberry｡藍莓cheese cake都可以，但日式芝士清蛋糕真係好一般，個oreo cheese cake都好淡口，至於個朱古力蛋糕就硬到咬唔到｡
真係要食嘅有呢呢個朱古力流心芝士tart，咁多個甜品入面呢個最好食!
個tart一早焗好晒，職員定時將啲tart放入光波爐整番熱，食落去仲脆口，朱古力味好濃，半熟餡帶有少少酸味食落一啲都唔漏
自助餐黎講，就算食原價($258)都算抵，更何況宜家有65折優惠
張貼
