韓川

營業中

休息中

好耐冇食韓國嘢，經過見到大大個霓虹燈牌，所以俾佢吸引咗，入到去係特色韓國風格嘅裝修，感覺唔錯首先嚟個芝士牛油燒巨蠔，真係超大隻，上面鋪咗滿滿嘅芝士，食嘅時候仲係暖暖哋，同巨蠔味道融合精選生蠔，見到隔籬枱食緊就俾佢吸引咗，精選法國生蠔好新鮮，鮮甜嘅生蠔加埋淡淡海水味，唔算好大隻，但重點係食佢嘅蠔香，加少少檸檬汁，更加帶出鮮味。韓式大廚包見到餐牌牌最特別嗰個包就係人蔘雞包，好驚喜呀，因為入邊啲雞真係有一陣陣嘅人蔘香氣，食材主有蛋黃醬、酸蘿蔔絲、泡菜、生菜、蜂蜜，同最重要嘅人蔘雞！芝味五花腩超正呀，佢哋有個火爐煮熱芝士，芝士溶咗之後就可以拉絲，然後捲住五花腩。好邪惡嘅配搭，但係好好食，間中一次半次唔緊要啦😀配芝士醬公仔麵，芝士醬咸香濃度剛剛好。整體都唔錯，非常推介。