丸十日本食堂 (已結業)

我係超級中意食日本野，今日黎葵芳唔知食咩，就決定食丸十日本食堂。雖然係星期三既中午，但人流都絕對唔少，不過就唔需要排隊，一去到店員安排左我入座，而因為我既朋友仲未到，所以我一路睇餐牌一路等朋友。我叫左一個四色丼，同一客雜錦天婦羅，加一杯青森蘋果汁。首先講一講定食，我每次食定食最先動作就係飲湯，依度既湯真係唔話得，非常好味，晌冬天特別暖胃，又好味。之後就係食沙律，比起其他日本餐廳點都高質少少既味，然後就開始食丼飯。其實丼飯上枱後我是有一點驚訝的，色澤很勻韻，食落口更加感到非常新鮮，厚切魚生，依個價錢真係好抵，蟹味帶甜味，一路用黎送飯食簡直不得了。之後就係雜錦天婦羅，依個更加唔咶得，真係物有所值，全部都係即時炸起，熱辣辣脆卜卜，食過番尋味。而咬落去又唔係點食到油味，哇真係好正之後就係服務，我覺得店員們全部都態度好好，訓練有素，值得加分！