舍 (已結業)

星期五心情特別愉快，決定嘅朋友去Chill 一 Chill , 享受一下香港嘅夜景選咗位於IFC 3樓嘅舍，係要由連卡佛專欄櫃檯附近入去，搵嘅過程都要店員幫忙一下😅😅餐廳非常華麗，仲有室外空間可以坐！望住美景，涼風吹來真係好正！可惜我哋遲咗book位，只係得室內🥹涼菜拼盤 首先送上涼菜拼盤，擺設相當精美包括海蜇青瓜、冰鎮鮑魚同埋桂花紅酒梨海蜇青瓜酸酸甜甜，引起食慾冰鎮鮑魚彈牙好吃 桂花紅酒🍷梨口感特別，爽脆嘅梨同埋紅酒非常特別嘅配搭！跟住就食我哋嘅主菜~,亦都係我最期待嘅雞油花雕蒸龍蝦配陳村粉賣相已經令我哋嘩一聲，龍蝦已經起好肉，放上陳村粉，底下仲有啲雞蛋🥚，吸盡晒花雕雞油嘅味道！陳村粉好滑，龍蝦又啖啖肉，又飽又好吃！必叫之選～！黑椒牛仔骨，有六大塊，厚切又多肉 配上黑椒 少少辣得來又引出個味道～非常好送飯！黑松露銀鱈魚炒飯銀鱈魚設成一粒粒，配上香味十足嘅黑松露，再配上蘆筍雞蛋等等 炒的乾身又好食😍雖然已經食到好飽，但甜品係第二個胃，再叫咗個甜品拼盤～包括有楊枝甘露、杞子桂花糕及流心荔枝球，賣相超靚 又好吃，完美嘅晚餐🥰