Chill 輕食300kcal (已搬遷) 新店位置

最近放肆左肥左唔少，聽講荔枝角左間輕食，咁啱今日放假經過就去試下。套餐包左一杯蛋白杯、一款主食同一杯飲品。店員好細心，教我飲左蛋白杯，再食主食，效果會較好。Chill 優質蛋白杯 - 我揀左士多啤梨味，飲落好似奶昔，口感順滑。Chill 輕主食方面我揀左慢煮無激素雞胸配人手作蕎麥麵。賣相唔錯，除左雞胸同麵外，另有左南瓜同西蘭花做配菜。雞胸因為係慢煮的關係，食落唔會嚡口；蕎麥麵口感唔錯幾彈牙。Chill 排毒消脂茶 可愛的熊仔樽，飲落微酸，消暑解渴又健康。估唔到食完都幾飽肚，但成個餐先係300卡，啱晒減肥又怕捱肚餓的人。