川味香

營業中

休息中

一向都好中意食燒烤，所以不時會發掘下香港既地道燒烤店😂川味香初時聽個名以為係食酸辣粉為主，但見在座食客都叫到成枱串燒，聞落好香當然要試返10串8串啦😋✦ 汁燒八爪魚鬚 💰22✦ 燒日本一口和牛粒 💰32✦ 阿拉伯羊肉串 💰22✦ 沙嗲雞肉串X2 💰20✦ 燒韮菜 💰13✦ 蒜蓉焗西蘭花 💰35✦ 蒜蓉燒原條茄子 💰35✦ 惹味燒饅頭片 💰17－講真每串都幾好味😋如果要講最推介既係「 燒日本一口和牛粒」，牛肉粒非常有口感又唔會硬，咬落仲有d肉汁滲出👍最特別既係「惹味燒饅頭片」，唔係每間串燒店都有架，咬落鮮甜味，可以中和下辣味添！最抵食既應該係「燒韮菜」，13蚊有大大抽！－最難得樣樣都燒到岩岩好，唔會未到火喉咁，又唔會燶喎，要經驗老手先做到！配埋厚滑既蒜蓉、孜然粉同辣椒粉 （我叫少辣），簡直一食上癮！✦重慶酸辣紅薯粉 💰48薯粉好煙韌彈牙🤩餸方面有5個組合揀（都係跟3餸），我就揀左牛肉＋秋葵＋豆卜！見d豆卜咁大粒就知足料啦😂不過作為花生愛好者既我就覺得花生少左d。