Go Dutch Cafe

營業中

休息中

位於旺角同油麻地附近嘅登打士街真係有好多美食！而登打士廣場就係餐廳嘅集中地，真係有好多樓上cafe，今日同朋友一齊嚟到呢間樓上Go Dutch Cafe 食Tea。呢間cafe已經唔係第一次過嚟食，環境非常優美又舒適，有種好high class嘅感覺，座位舒適，仲可以望到外面街景，好適合同朋友仔一齊去進餐同Relax！剛好到達嘅時間係下午2點幾，可以叫到Lunch Set 又叫到Tea Set ！Lunch Set - 牛肝菌汁雜菌雞柳長通粉足料牛肝菌雞柳長通粉！而且醬汁調得好好，有好重牛肝菌味道，而雞柳都好新鮮，好嫩滑。每條長通粉都包裹住滿滿既牛肝菌汁，再加埋雜菌一齊食，非常有口感，十分美味，而且味道非常濃郁又香！Tea Set - 芝士煙肉黑松露大啡菇超香黑松露味道～大啡菇厚肉，食落軟淋淋又多汁，加埋邪惡哋芝士同煙肉碎，完美嘅配搭，入口味道鹹香。餐飲 - 草莓梳打一杯酸甜草莓梳打特飲，酸酸甜甜的味道份外消暑，而且開胃又解膩！餐飲 - 肉桂茶入口味道清香，而且屬性温和，有着保健功能，暖胃作用，好啱養生嘅朋友仔飲。佢哋仲有幾種養生花茶可以揀嚟飲，仲有唔同功效，就得要試下啦！