跟住係牛油果多士加煙三文魚，牛油果蓉鋪到滿一滿，口感綿滑似奶油，仲灑咗少少辣椒碎同檸檬汁，清新得嚟帶啲刺激。煙三文魚鹹香軟嫩，同厚切酸種多士一齊食，脆軟交織，味道層次豐富到呢～健康得嚟又滿足！
鮮果脆脆乳酪絕對係夏日恩物！乳酪係希臘乳酪，質地濃厚帶微酸，面頭鋪滿新鮮士多啤梨、藍莓同芒果粒，再加埋金黃香脆嘅穀物脆脆，一啖落去又滑又脆又多汁，酸甜平衡得啱啱好，食完成個人都醒神晒！
最後杯Apple Ginger Ale真心要畀個like！蘋果汁清甜自然，薑味唔會太搶但夠晒暖胃，氣泡細緻唔會嗆喉，飲落去有種好治癒嘅感覺。食完濃味嘢飲一啖，即刻清爽晒，仲想encore多杯呀～
