島中坊研

營業中

休息中

前排放假，同個吃貨朋友入長洲散吓心，一解無得去旅行嘅鬱悶。朋友話有間人氣cafe佢好想試，山長水遠入到嚟就梗係要試吓啦！雖然係平日，但餐廳外都有幾多人等位，等咗一陣終於有位。坐低後立即俾餐牌上嘅滑蛋蒲燒鰻魚便當($80)吸引，唔使諗，就佢啦！Wow! 好可愛嘅日系鰻魚飯！鰻魚都燒得幾香，不過略嫌醬汁唔夠同份量比較少。蛋就炒得恰到好處，口感好滑，蛋味香濃。米係用珍珠米，彈牙有咬口，正！內裡裝修簡約舒適，服務都唔錯。下次嚟嘅時候會試吓佢嘅甜品🍮。