約咗朋友仔喺歌賦街食晚餐，早放工見到間coffee shop幾靚，就行咗入去坐住等. 由於我喺上環地鐵站行上嚟，真喺有啲喘氣，叫完嘢飲就問店員可唔可以俾杯水我. 佢指住收銀隔離有個自助水吧位，客人可以隨意倒杯水飲飲. 下午4點半左右，舖頭都算有唔少人，揀咗個裡面嘅位，牆上都掛住啲畫幾正. 等咗幾分鐘，店員送上杯cappuccino，奶味重，唔算太甜，易入口. 杯嘢亦簡單拉咗個心心圖案. 價錢方面，嘢飲$40，同大型咖啡店差唔多價，但舖頭唔會焗束束，感覺好舒服. 店內都有唔少外國人幫襯，聽到店員都對答ok. 美中不足嘅喺張櫈未坐之前有少少抹過嘅水印. 整體都好滿意.
以上食評乃用戶個人意見 , 並不代表OpenRice之觀點。
讚好
推介美食
Cappicino
用餐途徑
堂食
