香港老飯店

營業中

休息中

適逢中環某大百貨公司清倉大減價，今午一於走去血拼一番。不經意地逛了足兩個半小時，總算有些微收獲。行到累又肚餓當然要搵地方休息下和食晚飯啦！突然想起附近有間食上海菜的食肆都唔錯，就毫不猶疑地向香港老飯店走過去。它位於商廈的地庫，我們沿著樓梯而下。餐館佈置優雅和充滿舊日情懷。地方雖然不大，但餐桌擺放得寬闊，環境清靜。花雕醉雞雞肉结實唔鞋口，浸上花雕酒。食時雞肉散發出花雕酒香，可口醒胃。松鼠黃魚這是一道有名氣的上海菜。廚師首先把魚炸得外面脆卜卜，內裏肉質嫩滑鲜甜。淋上酸甜汁，又鋪上松子仁和青紅椒粒令口感豐富不少，而顏色亦很養眼；食落非常開胃。南翔小籠六隻卽叫卽蒸的小籠包一向是我指定必選。皮薄餡靚，湯汁滿溢。咬時要小心被燙傷，但當滿口充溢著鮮甜的湯汁，非常滿足。砂鍋鹹肉菜心這道菜用料十足有鹹肉、白菜、花膠、草茹和蛋角等等。鹹肉貪佢能提升各材料的鲜味，從而令整個湯底更濃更甜。香蕉高力豆沙四隻外層蛋白炸得鬆軟而不油膩，蛋味濃。配以豆沙和香蕉簡直是完美之作。最重要是整體味道不會太甜，正合我口味。👍