影片
更多
2021-09-28
1760 瀏覽
自從屯馬開通真的很興奮之後🤪放假去九龍城附近搵食，順便explore下呢個舊區嘅歷史，感受下呢度好有舊香港特色嘅氛圍。今次就去咗係正宋皇臺站出口嘅cafe 南角，前身係一幢歷史悠久嘅五金舖，店舖裝修融合新舊特色，既保留咗舊建築嘅鐵閘、招牌、牆身等，亦加入現代cafe嘅簡約風格，兩者結合又唔會覺得突兀。除咗環境，呢度嘅餐牌都有好多款中西合壁甚至揉合其他地方特色嘅選擇😗忌廉腐乳醬北海道帶子闊麵中西合璧嘅代表，結合咗西式pasta嘅煮法，醬汁加入港味濃嘅腐乳，仲有帶子。帶子分量甚多，上菜前淨係輕輕火炙過，幾鮮甜😋闊條麵夠al dente，幾掛汁，醬汁只係帶輕微腐乳鹹香，略嫌唔夠濃郁😅😅畢竟叫得呢個pasta就係想感受濃濃腐乳「香味」嘛～另外配菜都可以豐富啲，例如加啲露筍／蘑菇，咁食落就無咁寡。班蘭椰啡Weekday lunch set本身包咗基本嘅茶或咖啡，想飲特飲就原價減$10。呢個班蘭椰啡係呢度signature，將普通嘅latte加入班蘭糖漿同一大球椰子雪糕🍨東南亞風味出晒嚟。飲落味道都唔錯，有幾明顯嘅椰子香味，不過撈勻底下嘅斑蘭糖漿之後班蘭味都唔係太覺，有進步空間。人均消費：$180
忌廉腐乳醬北海道帶子闊麵
中西合璧嘅代表，結合咗西式pasta嘅煮法，醬汁加入港味濃嘅腐乳，仲有帶子。帶子分量甚多，上菜前淨係輕輕火炙過，幾鮮甜😋闊條麵夠al dente，幾掛汁，醬汁只係帶輕微腐乳鹹香，略嫌唔夠濃郁😅😅畢竟叫得呢個pasta就係想感受濃濃腐乳「香味」嘛～另外配菜都可以豐富啲，例如加啲露筍／蘑菇，咁食落就無咁寡。
班蘭椰啡
Weekday lunch set本身包咗基本嘅茶或咖啡，想飲特飲就原價減$10。呢個班蘭椰啡係呢度signature，將普通嘅latte加入班蘭糖漿同一大球椰子雪糕🍨東南亞風味出晒嚟。飲落味道都唔錯，有幾明顯嘅椰子香味，不過撈勻底下嘅斑蘭糖漿之後班蘭味都唔係太覺，有進步空間。
人均消費：$180
推介指數（10分為滿分）：7分
張貼
