千両 (國際金融中心商場)

營業中

休息中

聽舊同學話呢間坐落於IFC嘅壽司店幾掂，其實佢同元氣係同一集團，次次見都大排長龍，今次終於有機會同小公主去試了，不過雖然去到已經九點半，但係都要等三個字至有位，事關佢入面真係太少位，我估只得廿零張櫈。不過，近日我知道佢已經喺太古城同銅鑼灣開新分店。講返啲壽司全部壽司形狀都成扇形，真係好難得師傅有咁嘅功夫可以做得咁靚，用料好新鮮，飯粒又黐又軟，用筷子夾亦不會斷開兩舊，功夫到家。就算係雞軟骨都炸得好香口，好味。Comments : 以咁嘅價錢，做出高於同級數壽司店嘅水準，實在值得一食再食，絶對值回票價。