蔵鳶居酒屋

營業中

休息中

在煩囂嘅尖沙咀鬧市街道附近開咗一間入口不太起眼嘅日式居酒屋。沿著樓梯走進地牢層，就好似同煩囂嘅都市與世隔絕，可以靜靜咁享受美食，帶走生活上的煩惱。室內環境寬敞舒適，吧檯，餐桌，包廂都有。裝修懷舊昏暗，就好似走進八九十年代的日式居酒屋。喝著茶也能好好品嚐懷舊的味道。呢度嘅食物無疑係幾出色嘅，款式亦多。一如以往，居酒屋日式燉蛋，燉蛋嫩滑帶海鮮味，湯汁近乎完美，一口接一口。出色嘅小食，唔需要貴價嘅食材。呢款雞皮餃子，做到皮薄，而且肉汁完全鎖喺雞皮入面。口入面爆汁嘅感覺，無與倫比。雞肉鮮嫩汁香美味。另一款出色嘅美食，芝士薯餅。外面炸得非常鬆脆，薯餅入面嘅芝士薯蓉又香濃幼嫩滑非常美味。小食當然唔嫌多才點咗一塊芝士年糕，芝士年糕同芝士薯餅嘅口感完全唔同。年糕更為彈牙，內裏充滿濃香嘅芝士味。口感層次非常豐富。金山寺燒雞肉，雞肉味好濃再配上惹味醬汁，口感唔錯，肉質鮮嫩。主菜極上壽司聖十貫，每款都好新鮮。最好食嘅係呢度啲糙米飯,入口冇白飯咁寡,令到刺身嘅鮮味都有所提升。每款壽司大小均一，可一口食完一件。呢度嘅蟹肉赤蝦雙籽丼，又係必點之選。材料豐富絕無欺場。令到每一啖飯都有材料配搭。三文魚籽爆漿同蟹籽嘅鮮