好梳芙甜品屋 (已結業)

鍾意食甜品的我，會去試未食過的甜品店，係朋友介紹下，去了馬鞍山好梳芙甜品屋食。甜品選擇種類也有不少，其中最吸引我係椰皇燉蛋白系列和冰雪系列。冰雪系列中揀左新推出產品 - 大千世界。賣相相當吸引，而且材料豐富，有抹茶奶雪冰，紅豆，小丸子，班蘭果凍，脆餅和抹茶雪糕。我鍾意小丸子夠煙煙韌韌，班蘭果凍幾特別，入口清新，甜度適中。沙冰係綿綿冰，所以入口夠幼滑，與紅豆，小丸子和果凍一齊食，多重口感。椰皇燉蛋白系列揀左熱桃園結義，當中有桃膠，芋園，椰汁西米底。蛋白質感夠滑身，配上煙韌芋園，桃膠，口感一流，又夠滋潤養顏。