車厘哥夫餅店

營業中

休息中

呢間餅店算是一間老店，係我讀中學時期已經存在，每次行經聯合廣場，都會聞到一陣陣好香的曲奇味。在若干年前吃下第一口的朱古力曲奇，便深深愛上了。今日行經太子，突然想起這店，心大心細想買曲奇餅食，但又怕曲奇的反式脂肪高，始終今時唔同往日！但最後魔鬼還是戰勝天使，所以就過去買左半磅，盛惠$55。曲奇味道依舊，牛油味濃郁，餅身鬆化，中間的朱古力更是畫龍點睛，令曲奇味道更佳。難怪此店屹立不倒，時至今日仍然客似雲來！