Steak Bar (已結業)

平日嘅下午，唔使排隊就可以食到。試吓佢最出名嘅吉列牛扒，前菜有沙律同埋豆腐一小塊，吉列牛扒非常大塊，切到大約12條，附有一舊牛油起鑊，非常香，自己煎嘅好處就係可以控制生熟程度。連個飯都好香，上面灑滿咗飯素，有芝麻紫菜等等。碗飯唔算好大碗，就算女仔都輕易食得晒。個餐仲有幾塊蒜片，食落更加惹味。牛舌都做得非常出色，煎香之後好淋身。牛舌好快就熟，輕輕煎幾秒就OK。餐廳做緊優惠，正價食一個午市套餐，指定六款第二客有半價。