一口沙嗲專門店

營業中

休息中

經朋友介紹下，買咗呢間餐廳嘅串燒套裝返屋企慢慢燒。而家買10盒串燒，就會送一個串燒專用電爐，仲有免費送貨服務，可以係屋企同屋企人，朋友慢慢一邊燒一邊食。串燒有沙嗲雞肉，豬肉，牛肉同羊肉串。我每款都買咗黎試一試。仲買咗原味，辣味花生醬。~~串燒本身已經醃咗味，唔加醬，都已經好夠味。串燒食落肉質好嫩滑，唔會好乾。特別係雞肉串燒，好味到停唔到口。特別一讚，羊肉冇咩羊羶味。~~花生醬有原味同辣味，兩款都好好味。原味有好香濃嘅花生味，少少甜，好惹味。辣味都唔會好辣，有好多花生粒同蝦乾，好足料，配埋串燒好正。個串燒專用電爐細細個，好方便收藏。個爐都簡單易用，仲有埋說明書，唔怕唔識用。