影片
更多
2022-11-23
157 瀏覽
《福岡漢堡扒 - 旺角》我個friend成日都話收工想去食波波，我就成日都一頭霧水唔知佢講咩波波，原來佢係指個造型成個波咁既漢堡扒🤣琴日等佢收工，終於跟住佢去試左呢個福崗漢堡扒，我地兩個女仔叫左個二人餐，有兩個款式既漢堡扒、沙律、餐湯，仲有一個主食比我地share，叫埋飲品連加一大約$430，有得玩又有得食，成個體驗都幾得意架😎💁🏻♀️菠蘿煙肉和牛漢堡扒其實佢既漢堡扒每個餐都係一樣，不過配菜就會唔同左，漢堡扒用左澳洲和牛製作，用個鏟切少少肉再慢慢煎到六七成熟，個漢堡扒油份極高而且好滑口，唔洗點任何野都已經幾好食，我就鍾意將燒好既漢堡扒再夾少少泡菜同椰菜絲沙律一齊食，味道會清新啲之餘，仲可以減低油膩感😋另外，菠蘿煙肉同漢堡扒呢個配搭其實都幾特別既，菠蘿酸酸甜甜咁，放喺熱石上面燒更帶出個甜度，再配埋咸香既煙肉同和牛肉後，又咸又甜咁🤓我就最鍾意呢個感覺架啦💁🏻♀️芝士蛋蒜和牛漢堡扒朋友呢一個漢堡扒就係最基本嘅芝士同蒜片配搭，芝士同漢堡扒基本上味道已經冇得輸，同溶左既芝士搞拌埋一齊後食罪惡感大增呀😂芝士本來都已經係重口味，再夾埋油份重既和牛漢堡，入口爆曬汁，仲要食到蒜片既味道，重口味友實鍾意呀
我個friend成日都話收工想去食波波，我就成日都一頭霧水唔知佢講咩波波，原來佢係指個造型成個波咁既漢堡扒🤣琴日等佢收工，終於跟住佢去試左呢個福崗漢堡扒，我地兩個女仔叫左個二人餐，有兩個款式既漢堡扒、沙律、餐湯，仲有一個主食比我地share，叫埋飲品連加一大約$430，有得玩又有得食，成個體驗都幾得意架😎
💁🏻♀️菠蘿煙肉和牛漢堡扒
其實佢既漢堡扒每個餐都係一樣，不過配菜就會唔同左，漢堡扒用左澳洲和牛製作，用個鏟切少少肉再慢慢煎到六七成熟，個漢堡扒油份極高而且好滑口，唔洗點任何野都已經幾好食，我就鍾意將燒好既漢堡扒再夾少少泡菜同椰菜絲沙律一齊食，味道會清新啲之餘，仲可以減低油膩感😋另外，菠蘿煙肉同漢堡扒呢個配搭其實都幾特別既，菠蘿酸酸甜甜咁，放喺熱石上面燒更帶出個甜度，再配埋咸香既煙肉同和牛肉後，又咸又甜咁🤓我就最鍾意呢個感覺架啦
💁🏻♀️芝士蛋蒜和牛漢堡扒
朋友呢一個漢堡扒就係最基本嘅芝士同蒜片配搭，芝士同漢堡扒基本上味道已經冇得輸，同溶左既芝士搞拌埋一齊後食罪惡感大增呀😂芝士本來都已經係重口味，再夾埋油份重既和牛漢堡，入口爆曬汁，仲要食到蒜片既味道，重口味友實鍾意呀😉
💁🏻♀️芝士泡菜豚丼
我地兩個以為個set會包碗白飯比我地送漢堡扒，點知竟然係跟大大碗既丼飯😱大碗到根本兩個人唔會食得曬，其實佢就係平時喺韓國餐廳會食到既泡菜豬肉拌飯加勁多芝士，真係成個頂頂都係滿滿既芝士架，搞勻曬所有配料食每一啖都食到泡菜同豬肉片😋食完呢一餐想唔肥都有難度😂
💁🏻♀️金橘檸檬特飮 $18
朋友叫咗呢個飲品係因為食得多漢堡扒之後感覺好滯，所以需要飲啲清新啲嘅飲品，$18大大杯，味道有啲似金桔檸檬茶咁，不過呢個就加左氣啦😎可以幫助消化同解膩，呢個價錢都幾抵飲
最後埋單其實人均都係二百蚊多啲，不過我哋兩個真係食到好飽，個芝士泡菜豚丼仲食淨咗一半有多，但係可以自己落手落腳整其實都幾得意😋我幾推介嗰個菠蘿煙肉漢堡扒👍🏻反而朋友嗰個芝士蛋蒜味就比較滯少少，但係同樣都好食嘅😎店員間中就會過嚟幫你換過舊新嘅石頭，同埋會過嚟教你點樣整先好食，服務態度十分好😎值得推介
張貼
