陳師傅自製點心專門店

營業中

休息中

尖沙咀收工，想搵即叫即蒸既點心食下，選擇真係唔多。金馬倫道呢間點心講明自家製作，絕不取貨，即叫即蒸，預左要等15-20分鐘，不過相信出品唔會令人失望。金絲皇頭冠菊花茶呢壺茶真係要介紹吓，用上金絲皇菊，再加入枸杞、紅棗，味道清甜滋潤。金牌蝦餃皇餃皇皮半透明，薄而有彈性，蝦肉要爽口彈牙，難怪叫金牌。魚子燒賣皇燒賣肉保持彈牙口感，如果食開辣椒油，一定要試吓呢度既出品，配燒賣食一流。沙律明蝦角蝦角邪惡，餡料豐富飽滿，難得唔太油膩，又脆口，配沙律醬最滋味。流沙奶皇煎堆仔煎堆仔咬開會爆流沙，幾有驚喜，加埋表面滿滿的芝麻粒，口感好豐富。翡翠鮮蝦腸翠瓜爽，蝦肉鮮，皮滑，整體配合出富層次的口感。鳳爪排骨飯半肥瘦排骨，軟腍腍鳳爪，打開蓋已經香噴噴，加埋豉油，最有風味。