素來素往 (已結業)

撞岩星期五呢晚係初十五，又係我一家食素嘅日子，所以嚟咗位於大角咀嘅 「 素來素往 」食素食自助餐。 星期一至五 晚市90分鐘 係$158/成人，長者就有9折優惠。餐廳中間位置就係自助區有前菜、沙律、炸物、粥粉麵飯、腸粉、pizza、豬腳薑、湯水、糖水、糕點、熱盤、台式滷味、飲品等等，選擇算多！仲有個「又食又拎」晚市優惠- 晚市時間只要比$58就可以用佢地嘅外賣餐盒任選菜式打包。香口嘅炸物有炸蕃薯、炸南瓜等；豬腳薑就用蓮藕代替豬腳，都好入味；糖水有綠豆沙；咕嚕肉就用油炸鬼代替豬肉；帶子豆腐嘅帶子就用雞髀菇代替；另外豆腐同埋瓜菜就係基本嘅素食菜式。甜品有啫喱、豆腐花、糕點、綠豆沙。兩老食得津津有味，比平時開胃食得更多，大讚選擇多。襯有9折長者優惠，係時候帶佢哋嚟多啲食素。