素來素往 (已結業)

🌟素來素往呢間自助餐形式素食店，店內裝潢簡約設計，帶文青風格，環境舒適。自助Bar 設在店中間位置，款式多，甜品有馬豆糕，紅豆榚，啫喱，豆腐花，紅豆沙等…沙律有蔬菜，車厘茄，雜果沙律，蘋果沙律等… 飽肚 有粥，紅米飯，炒飯，炒麵，薯粉等…熱葷菜式有 油炸鬼做生炒骨，芋頭做香酥雞，口水雞，煎釀三寶，Pizza… 等 真係超多選擇，味道水準超讃👍 尤其口水雞及香酥雞，真係要試。仲有個大雪櫃供晚市 免費飲品。食店另設有 $48 拎走服務，如果食完 想再食 或者帶番去同朋友開心sharing, 可以加多$48 又食又拎啊！呢間小店係自助形式服務，客人食完 需要自己將餐具分類放入回收箱。