霸嗎拉麵 (已搬遷) 新店位置

係 Openrice search 登龍街見呢間排第一，朋友仔都有介紹過，一於試下啦！  唉，不過我自己一個人嚟食就好似唔駛招呼我咁... 帶咗我埋位之後完全無人理，連 menu 都唔打算比我睇咁，所以我稱之為 “自助式嘅拉麵店”。由於趕時間關係，直接填 order 紙算啦，況且拉麵通常都係大同小異。 求其揀咗第一果個 “炙燒豚肉味玉拉麵”，加 $15 罐可樂。我都飲緊可樂佢先攞杯水比我，真係有啲無奈。然後拉麵等咗 20 分鐘先到，真心係慢咗啲（其實我留意到隔離有幾張枱都吹緊佢哋嘅小食同拉麵）...  好彩嚟都碗拉麵係好味嘅。呢個濃湯湯底味道濃郁有層次，我飲咗差唔多半碗湯。豚肉好大塊好肥美，炙燒完幾香噴噴，佢上面仲加咗少少辣醬，配搭起來非常惹味。但係隻蛋就有啲令人失望，我已經第一時間食咗隻蛋先，然後發現隻蛋係熟咗，完全無流心嘅效果。 真心話，登龍街呢度成條街都係拉麵店，以呢種服務態度，我覺得唔一定要揀佢。