好味小食店

營業中

休息中

突然間想食腸粉早餐，附近淨係知呢間小食店，專登走去買。雖然一向都知呢間小食店啲阿姐態度唔好，但諗住買個腸粉啫。點知買到返公司，一食，腸粉酸嘅！唔知係豉油定腸粉變壞，因為冇落甜醬，所以一定係豉油變咗，或者腸粉本身變咗，搞到冇早餐食。打電話去同佢哋講，阿姐聲氣都同平時唔同晒，仲有講唔該😂 但對唔住 / 唔好意思都冇句，更加唔使旨意佢話退返錢，嗰四條腸粉10幾蚊，就咁掉咗落垃圾桶！最慘係無啦啦冇咗個早餐！不過好彩唔係買俾小朋友食，食咗真係分分鐘肚痾！