焱丸水產 (已結業)

今日同男朋友食飯，去左銅鑼灣焱丸水產。男朋友早早訂左位同我食飯，知道我鐘意食海鮮，特登訂位同我開心食個飯！我地先叫刺身，有活海螺和秋刀魚！我無食到海螺，但係對秋刀魚就極之欣賞！時令秋刀魚非常肥美，厚厚刺身入口魚香重魚味極濃郁，入口魚味唔會散走，超出色！我同男朋友都大讚好食！我地叫左壽司盛合，壽司款式多，我地最愛秋刀魚壽司和三文魚腩壽司，魚味都算重，而且仲好新鮮！之後叫左吉列蠔，大大隻唔會有腥臭味，沾上他他醬又好滋味呀！聰明枝豆，香甜枝豆食極都停唔到口！到左燒海鮮啦！我地叫左白蛤、烏賊、蟹甲羅燒！烏賊男朋友超鐘意，入口香嫩爽口，完全唔會乾身，醬汁香濃極滋味！海鮮好新鮮，每次食都非常滿意！我叫左一杯梅酒和青蘋果颱風梳打，晚餐非常飽足！