王家沙 (已搬遷) 新店位置

去到蔡瀾美食坊，都未決定食乜，剩係想食中國菜。鼎泰豐同詠藜園都食過喇，所以候選單位得番王家沙同阿斗官。其實食大良或者上海菜都無所謂，我都鍾意，於是就睇下兩間餐牌先決定。先睇阿斗官，都ok；但上到王家沙，見到人多好多，睇過餐牌又好似唔錯咁喎，所以最後都揀左王家沙。兩個人，點左個蟹粉小籠包、東坡肉(配蝴蝶包)、回窩肉同擔擔麵(中辣)。先黎東坡肉(配蝴蝶包)，好好味，不過真係好肥，邊食邊內疚，但又好好味咁食左好多。好彩佢係第一碟黎，因為咁漏實食唔晒。個麵只係叫中辣，因為要就朋友，味就幾香幾濃，但真係唔夠辣囉，但都算好味。另外兩樣就麻麻地，蟹粉小籠包好快乾身，皮又厚…噫……，個回窩肉真係叫多左，唔係唔好食，只係食得太飽唔想食，佢又無東坡肉咁好味喎，所以都剩唔少。兩個人，連埋野飲三杯，300蚊埋單，都ok啦﹗