李輝記牛欄

營業中

休息中

食肥牛一定要去牛肉檔度買，因為價廉物美，今日去九龍城李輝記牛欄買得打邊爐牛肉，叫咗320同埋＄400嗰隻，有得比較。今日五點鐘去到街市，門口已經排咗10幾個人，不過都好快就輪到我，我第一次去買牛肉唔知定，同佢講左唔該要打邊爐肥牛，咁切牛肉嗰位就指左個牌問我要邊隻，咁我梗係問多句有咩分別，佢就話肥影響價錢，佢問我幾多咁我就話四個人食，但係佢死都叫我講幾多兩，但其實我唔係買慣我都唔知道一両牛肉要幾多，呢位仁兄嘅態度就麻麻哋啦，好似怪我唔講幾多兩俾佢知咁，咁我唯有死死氣叫佢切十両啦，其實我都唔知十両牛肉有幾多，最後買咗十両大概買咗三百幾蚊肥牛啦。價錢都幾合理因為都算多，佢啲肥牛真係幾靚嘅，入口溶化，而且好有牛肉味，值得排隊買。