影片
更多
2022-03-20
1525 瀏覽
自從上次去玩The Butterfly Room試佢個Tea之後，好似上左癮咁想在試試其他酒店既Tea Set😆今次趁著同朋友慶祝生日，終於有機會黎試下文華東方酒店快船廊嘅下午茶🫖之前一直聽講佢嘅玫瑰醬🌹配英式鬆餅係全香港最好食既scones，真係十分期待啊❤️首先介紹既當然係Scones，果然冇失望！暖暖地既scones再配埋好香既玫瑰花果醬、好滑身既clotted cream，食落真係外面鬆脆酥香，內裡就好鬆軟完全唔會覺得乾，果然係好出色🤤甜品方面有5款，當中最出色莫過於係1963文華芝士餅，佢既芝士味好濃郁、而且質感好綿滑，甜度亦岩岩好，好滿意🤤士多啤梨雲呢拿撻係另一個好滿意既甜品，好香同好滑既士多啤梨味道，當時我地食唔曬拎番屋企再食都仲係好好味😋最後講下杯Signature tea ☕️文華東方傳奇茶，佢地係用烏龍茶底，再加茉莉花、薰衣草、雲尼拿等而製成，飲落好香花香味同埋甜甜地，襯埋其他食物一起都幾夾，可以解下漏🥰其他食物質素都唔錯，將Menu寫係到比大家參考📝《鬆餅》◦ 傳統鬆餅 ◦ 提子鬆餅 ◦ 玫瑰花果醬 ◦ 牛油忌廉《甜品》◦ 1963文華芝士餅◦ 士多啤梨雲呢拿撻◦ 朱
自從上次去玩The Butterfly Room試佢個Tea之後，好似上左癮咁想在試試其他酒店既Tea Set😆今次趁著同朋友慶祝生日，終於有機會黎試下文華東方酒店快船廊嘅下午茶🫖之前一直聽講佢嘅玫瑰醬🌹配英式鬆餅係全香港最好食既scones，真係十分期待啊❤️
首先介紹既當然係Scones，果然冇失望！暖暖地既scones再配埋好香既玫瑰花果醬、好滑身既clotted cream，食落真係外面鬆脆酥香，內裡就好鬆軟完全唔會覺得乾，果然係好出色🤤
甜品方面有5款，當中最出色莫過於係1963文華芝士餅，佢既芝士味好濃郁、而且質感好綿滑，甜度亦岩岩好，好滿意🤤士多啤梨雲呢拿撻係另一個好滿意既甜品，好香同好滑既士多啤梨味道，當時我地食唔曬拎番屋企再食都仲係好好味😋
最後講下杯Signature tea ☕️文華東方傳奇茶，佢地係用烏龍茶底，再加茉莉花、薰衣草、雲尼拿等而製成，飲落好香花香味同埋甜甜地，襯埋其他食物一起都幾夾，可以解下漏🥰
其他食物質素都唔錯，將Menu寫係到比大家參考📝
《鬆餅》
◦ 傳統鬆餅
◦ 提子鬆餅
◦ 玫瑰花果醬
◦ 牛油忌廉
《甜品》
◦ 1963文華芝士餅
◦ 士多啤梨雲呢拿撻
◦ 朱古力核桃果仁餅
◦ 抹茶紅豆慕絲
◦ 檸檬牛油蛋糕
《三文治》
◦ 火腿芝士法式第芥末三文治
◦ 松露雞蛋青瓜沙律三文治
◦ 乳酪咖喱雞杏脯乾三文治
◦ 檸檬忌廉芝士煙三文魚裸麥三文治
《熱食》
◦ 西班牙腸和牛餡餅
佢每隔一段時間就會轉Menu，所以唔同時候去既價錢可能都唔同，今次我地就係$676+10%/2位，如果遇上酒店同其他品牌合作可能價錢會在貴少少(但可能有🎁帶走)😆
最後講講環境，由於文華東方歷史悠久，無論係餐具定係餐廳裝修都係比較舊，而且餐廳位於閣樓，即使係皇后像廣場都係望唔到維港海景😢所以比較推薦喜歡享受食物而唔追求個景要打卡既朋友去試一試😘
張貼
