寿司の神 (已結業)

聞名已久嘅壽司之神，今日終於搵到時間入去試下佢有幾神！今日食嘅係lunch set（$680）沙律、水雲醋物、魩仔魚茶碗蒸第一次食魩仔魚配搭嘅茶碗蒸，食落口幾重魩仔魚味，有提鮮嘅作用金線鯛、活北寄貝、螢光魷魚、鯛魚白子金線鯛明顯比普通鯛魚更加重魚味；活北寄貝師傅有用手輕輕拍打過，食落幾爽口；螢光魷魚係時令食材，輕輕燒過，令到魷魚嘅膏味好香；鯛魚白子加咗鼓油燒，有微微焦香味，口感都好滑身吞拿魚鮫煮到好淋身，而鮫位原本都多軟骨位，所以成舊都好淋好入味之後就係壽師登場嘅時候魷魚師傅用刀介開食落更易咬，仲加咗啲魚子醬提味鱒魚比起平時食到嘅三文魚更加濃味銀鱈魚師傅燒過而且係熟成，好重油香甜蝦用番自己嘅蝦膏做調味，勁香赤身吞拿魚味比較濃郁中拖羅油份比啱啱嘅赤身更重，用岩鹽同少少檸檬汁作為調味，食落口都唔會太膩右口魚+魚邊右口魚身為時令食材真係今季我最鍾意嘅一款魚，魚香而且幼滑，仲要燒完啲油份出曬黎！正！味噌湯海膽三文魚子丼成碗滿滿嘅海膽同三文魚子，作為結束覺得勁滿足！