大瀛喜日本料理 (已結業)

朋友約我嚟呢間大瀛喜，鍾意地點就腳，地鐵站一出就見到，當日落雨都唔怕外出😄一入去就見到大大個自助區，好多嘢食呀！凍海鮮、沙律、炸物等等，而且refill得好快👍🏻食物係手機落單，喺等候嘅時間，我哋已經出去自助區攞咗一轉😄我哋今次主打食刺身，三文魚、帶子、八爪魚、甜蝦、赤蝦、油甘魚、希靈魚，連好少見嘅馬刀貝都有，口感真係勁似象拔蚌，非常爽口，甜蝦都頗大隻，每隻差唔多有8-10 cm長，入口爽滑又juicy，魚生類都切得厚身，朋友order咗好多份三文魚，話夠哂油脂香，好正！食物款式多不勝數！呢度放題食足120分鐘，幾個朋友慢慢食，有足夠時間傾計添🙌🏻