The Right Place (寶勒巷)

營業中

休息中

今晚小妹黎到尖沙咀搵食，突然好想係酒吧食晚飯🥣 雖然尖沙咀酒吧算多不勝數，但今晚竟然遇到呢間高質餐廳🍴 無論環境定食物都相當不錯，重點係坐得舒適，且裝潢特別，好有香港味道，音響亦唔會過份嘈雜👍🏻相當有氣氛😎芝士焗墨西哥栗米片🧀🍿呢款芝士焗墨西哥栗米片，芝士味非常濃郁，而玉米片好酥脆，配料豐富，份量好多。加上經烘焗後既半溶芝士及鮮味的番茄莎莎及牛油果醬，味道香濃，香脆美味。蕃茄芝士烤大啡菇🥫🧀一共兩嚿大大粒大啡菇，兩粒烤焗後既大啡菇，菇肉多汁，加上搭配酸甜既蕃茄及香濃芝士，風味十足，非法入味，好正，絕對岩唒當作開胃菜。三文魚柳墨魚汁意大利粉🐟🐙🍝小妹都幾喜歡食墨魚汁，今次呢款意粉食完唔會搞到嘴黑黑。而且為呢個意粉加添獨特既黑色及食到濃郁海鮮風味，正。而三文魚亦煙燻過，鹹香及豐富既口感，加埋配料絕對提升層次，視覺效果十足。酒吧提供室外/室內座位，室內設有大型投影幕播放輕快音樂😻 好適合三五知己飲下酒談天說地，即使唔飲酒都好適合食午飯/晚飯😼加上職員十分殷勤友善， 特別琪琪經理，服務態度好好😝