The Salted Pig (新都會廣場) (已結業)

週末同朋友聚會揀咗去The Salted Pig食個dinner，之前去過尖沙咀店印象幾好，今次嚟到葵芳店見面積都相當闊落，座位數量幾多，仲有唔少卡位，坐得好舒服，聚會一流👍🏻-Steak Salad開胃菜叫咗牛扒沙律🥩🥗 牛扒比我想像中大塊，啖啖肉好多肉汁，食落一啲都唔鞋。除咗牛扒之外，沙律上面仲有炸洋蔥圈，令到沙律更加惹味開胃，沙律菜亦都好新鮮。-Crispy Pork Knuckle 招牌德國鹹豬手係佢哋嘅招牌菜，見到差唔多枱枱都有叫，就知好受歡迎👏🏻 豬手份量好足料，3-4人分享都夠食，仲已經預先切開咗一塊塊好方便食。豬手食落味道好入味，但唔會太鹹，配埋旁邊嘅酸菜同薯菜一齊食好夾，完全唔覺得油膩😋-Seafood Paella估唔到英式餐廳都可以叫到海鮮飯，咁啱朋友好鍾意食海鮮，所以就叫咗海鮮飯啦～ 配料有大蝦、青口、蜆肉等，海鮮份量幾多又幾新鮮。飯嘅醬汁都好有鮮味，口感剛剛好唔會太軟或太硬👍🏻