千両 (國際金融中心商場)

營業中

休息中

本來打算今日去愉景森林, 但太凍喇, 擔心係室外變雪條最後選擇左係室外, 係openrice又有d人氣既千両試試~打電話去想book位, 竟然話無得book要walk-in, 諗住早少少落去啦, 點知12:10pm去到, 門口已經有20幾30人等緊! 拎左飛仔, 仲有20張檯.....算, 當行一陣....好彩半個鐘返黎後, 再等多十幾分鐘就到我地, 不過都等左45分鐘... = ="入面d位其實唔多, 係迴轉壽司式, 迴轉既位有少少窄, 不過張高椅好舒服, 而且有個位「long」腳, 算唔錯望到迴轉帶上既壽司同刺身都好新鮮喎, 雖然款唔算超多, 不過寫住木牌, 知道之後個幾碟係咩, 唔錯~ 我地食左唔少野...三文魚, 甜蝦, 蟹籽, 藍鰭吞拿魚, 鰻魚, 帶子... 樣樣都超新鮮, 刺身唔算厚, 但好大塊, 特別係帶子, 又厚又大粒! 埋單$410/3位, 17碟, 都ok呀~不過等位幾耐...大家要預留時間了...