影片
更多
2021-12-27
270 瀏覽
Dadum～又係我Yummy出動同大家評下野食啦～聖誕節正日喺長洲度過，都想試下呢邊既西餐廳應下節，估唔到呢間咁有驚喜～平時食開All day breakfast，大部分都有牛角包、炒蛋、煙三文魚、蘑菇、茄汁豆呢類正常配搭，但呢份deluxe早餐有埋龍蝦揀！龍蝦好新鮮，夾埋牛油焗，唔算好creamy但係非常入味。可能Yummy食得太過癮（again lol），隔離檯一坐低就跟機叫左兩份同樣既早餐XD另外仲叫左呢到號稱招牌菜既Double Cheese Burger，我其實食住all day breakfast等，所以我諗都要等20分鐘左右，不過好值得等，因為！真！係！好！正！牛肉好重牛位但係唔會好膩，跟住個cheese其實已經融化曬喺牛肉之中，而且塊肉新鮮煎起，熱辣辣又仲有啲油香！不過呢到每樣嘢食都係單嗌，如果要飲咖啡就要額外比多$30-$40啦！推介Latte，佢用既豆都幾香，不過Americano就麻麻地建議，味道有啲淡～最後，呢間野其實都好受歡迎，鋪面又比較細，室內可能得4張2人檯加1張四人檯，Yummy其實係咁啱好早11-12pm開始等先快啲入到去。所以如果大家想食，可能用an
聖誕節正日喺長洲度過，都想試下呢邊既西餐廳應下節，估唔到呢間咁有驚喜～
平時食開All day breakfast，大部分都有牛角包、炒蛋、煙三文魚、蘑菇、茄汁豆呢類正常配搭，但呢份deluxe早餐有埋龍蝦揀！龍蝦好新鮮，夾埋牛油焗，唔算好creamy但係非常入味。可能Yummy食得太過癮（again lol），隔離檯一坐低就跟機叫左兩份同樣既早餐XD
另外仲叫左呢到號稱招牌菜既Double Cheese Burger，我其實食住all day breakfast等，所以我諗都要等20分鐘左右，不過好值得等，因為！真！係！好！正！牛肉好重牛位但係唔會好膩，跟住個cheese其實已經融化曬喺牛肉之中，而且塊肉新鮮煎起，熱辣辣又仲有啲油香！
不過呢到每樣嘢食都係單嗌，如果要飲咖啡就要額外比多$30-$40啦！推介Latte，佢用既豆都幾香，不過Americano就麻麻地建議，味道有啲淡～
最後，呢間野其實都好受歡迎，鋪面又比較細，室內可能得4張2人檯加1張四人檯，Yummy其實係咁啱好早11-12pm開始等先快啲入到去。所以如果大家想食，可能用annual假入去會好啲haha，假日應該好難等架～
張貼
