咖啡弄 (已結業)

有去過‪台灣食過咖啡弄‬既朋友, 都一定會對佢地既環境服務同埋美食念念不忘。‪香港開咖啡弄‬都開左一段時間, 開頭排隊排到癲左, 小女都唔例外, 有去潮聖過, 銅鑼灣高峰期排過2次, 每次都差唔多兩粒鐘, 熱潮過後, 小女都識揀時間啦, 平日6點前去到, 唔使等即刻有位。
 

芥末培根起司三文治

芥末培根起司三文治 $58
呢個三文治根本就是減肥人士的大敵，不過煙肉(培根)煎得脆脆、加埋鬆軟既方包、香濃的芝士，每啖咬落下去都好吃到想死，邊個仲會記得減肥係嘜水? 仲有我最好中意佢既SIDE DISH: 千島醬薯蓉!!! 必食, 幾飽都食晒!!
 

1

玉米里肌起司可頌

玉米里肌起司可頌 $62
超大個可頌!!! 芝士(起司)半溶，芝士味很重，不過唔會太膩，里肌肉是豬肉，係豬既脊椎旁D肉 肉的油脂較少，番茄超新鮮，每種餡料都係香口野，再加上外脆內鬆軟的可頌(牛角包)，呢個係我3次拜訪都會叫既其中一個包!!!!
 

茉香蜜桃冰茶

茉香蜜桃冰茶 $44
鮮艷的冰茶有種好消暑的氣息，佢唔只係綠茶咁普通，餐廳好有心思，綠茶入面仲有好多水果，有青蘋果, 水蜜桃, 藍莓, 橙, 車厘子，唔會太甜, 唔會太多冰。好清新既感覺。
 

美式摩卡咖啡

美式摩卡咖啡 $46
上面有牛奶泡沫，不過呢啲井字形朱古力應該稱唔上係拉花, 有D HEA既裝飾，咖啡冇咩特別，最特別係旁邊既兩片曲奇，牛油味好重。