小廚美食 (已搬遷) 新店位置

依間小店位於荃昌嘅昌安，身處內行，位置唔起眼比較少人留意。今日睇完醫生，想食個快飯咁岩就路經此處。佢鋪面唔大，老闆娘好好人，同我講解有咩好食。我就試咗個B餐枝竹腩肉飯(三十六蚊) 。老闆娘無啦啦送杯羅漢果茶比我飲，好解渴。枝竹同腩仔都好足料，南乳味亦好出，唔會有雪藏味而且食完唔會好口乾。口癢下就食多個孖寶，本身係魚蛋+燒賣，可惜無魚蛋結果變咗燒賣+芝士腸，我就幾喜歡佢地個豉油幾惹味。我今次係堂食，但現場座位有限所以有唔少顧客都外賣，生意都幾旺。