影片
更多
2016-08-21
4156 瀏覽
老豆生日其實都係籍口, 搵機會成家人坐埋一齊食餐飯港潮樓我唔係成日去, 但我老豆就經常去飲茶因為響商夏入面, 間格有D怪, 去廁所仲要拎門匙Fine, 入正題, 我地訂左一席, 免費包房, 六點半到食到八點鐘大蝦沙律: 中蝦一開二, 士多啤梨, 奇異果, 火龍果, 蘋果, 薯仔, 紅蘿白用一塊紫色既菜葉盛住, 加上白色沙津汁, 賣相美觀, 我老婆話好靚, 作為前菜當算不俗乾鮑扣鵝掌生菜: 乾鮑細細隻, 扣得好淋, 無牙既老人家都食到, 鮑魚味濃郁鵝掌好滑嫩, 但唔係幾夠入味, 反而生菜加鮑汁好似仲正d帶子象拔蚌炒菜心: 本來係西蘭花, 但我屋企人鐘意菜心就改左帶子係鮮, 象拔蚌則爽, 最重要係點蝦醬, 真係好惹味潮式紅燒翅: 我老豆係個唔環保既人, 佢專登加夠廿四兩牙揀翅, 真係幾厲害, 成個碟都係魚翅潮式係加牙菜同糟, 不過我個人唔係咁欣賞, 都係原汁原味好其實, 佢地平時鐘意落威士紀清蒸海斑: 上枱果陣都嚇一跳, 呢條斑接近三斤重, 師傳蒸到岩岩好離骨, 鮮味嫩滑, 又唔太鹹炸子雞: 掛住食, 唔記得幫隻雞映全相冰鮮雞就梗架啦, 但炸出黎肉唔老, 皮薄且脆, 最難得係唔油, 雞肉咬
港潮樓我唔係成日去, 但我老豆就經常去飲茶
因為響商夏入面, 間格有D怪, 去廁所仲要拎門匙
Fine, 入正題, 我地訂左一席, 免費包房, 六點半到食到八點鐘
大蝦沙律: 中蝦一開二, 士多啤梨, 奇異果, 火龍果, 蘋果, 薯仔, 紅蘿白
用一塊紫色既菜葉盛住, 加上白色沙津汁, 賣相美觀, 我老婆話好靚, 作為前菜當算不俗
乾鮑扣鵝掌生菜: 乾鮑細細隻, 扣得好淋, 無牙既老人家都食到, 鮑魚味濃郁
鵝掌好滑嫩, 但唔係幾夠入味, 反而生菜加鮑汁好似仲正d
帶子象拔蚌炒菜心: 本來係西蘭花, 但我屋企人鐘意菜心就改左
帶子係鮮, 象拔蚌則爽, 最重要係點蝦醬, 真係好惹味
潮式紅燒翅: 我老豆係個唔環保既人, 佢專登加夠廿四兩牙揀翅, 真係幾厲害, 成個碟都係魚翅
潮式係加牙菜同糟, 不過我個人唔係咁欣賞, 都係原汁原味好
其實, 佢地平時鐘意落威士紀
清蒸海斑: 上枱果陣都嚇一跳, 呢條斑接近三斤重, 師傳蒸到岩岩好離骨, 鮮味嫩滑, 又唔太鹹
炸子雞: 掛住食, 唔記得幫隻雞映全相
冰鮮雞就梗架啦, 但炸出黎肉唔老, 皮薄且脆, 最難得係唔油, 雞肉咬落仲幾滑, 竟然成盤食晒
素菜伊麵: 東菇, 草菇, 腐竹, 其實個麵本身無問題, 只係唔突出
魚湯飯: 呢個幾特別, 魚湯奶白色, 入口味較重, 但無腥味, 配小蝦粒, 帶子粒, 鹹菜, 芫茜
再加入爆米粒, 無論口感定係味道都好特別, 係一個必須要試既菜式
杏仁茶: 食完飯更係食甜品, 呢碗杏仁茶入口時好特別, 有d滑溜既野, 食清楚原來係蛋白
杏仁茶本身唔太甜, 有杏仁味又唔太重, 潤滑如牛奶, 我好欣賞
薑汁糕: 兩層鴛鴦, 薑味都幾重, 而且好綿好粘
綠豆糕: 加入綠豆同海帶做成糕點, 其實食落無乜味道
籌包: 正正常常既蓮蓉壽包, 但係食左好多野, 食左半個就停手
生果: 西瓜, 密瓜, 波蘿, 食左兩塊波蘿, 新鮮多汁
一席十二位用, 計埋我老豆要加料, 合共$6,850
題外話/補充資料：
好味既, 如果咁既價錢都唔好味就死得啦
但味道偏向廣東菜而非潮洲菜
Anyway, 老豆生日快樂, 身體健康
(以上食評乃用戶個人意見 , 並不代表OpenRice之觀點。)
張貼
