喜聚坊

營業中

休息中

老豆牛一生日飯，就揀左喜聚坊呢間私房菜，偷佢夠就腳兼平時午飯食過又有水準，就揀左中間價$480位嘅海鮮套餐。有原盅菜膽雞燉翅，可以用「君子之交」黎形容。海鮮方面有炸蝦釀合桃「合蒲珠還」，有清蒸南非「鮮」鮑（大嫂話係鯹鮑），有蒸銀絲大元貝，扇貝大粒爽口彈牙確抵讚！仲有清蒸游水龍躉斑，條魚夠滑可惜中間魚肉唔離骨，火候控制得唔好蒸唔熟，失敗也！仲有黑白胡椒焗肉蟹，惹味有餘鮮味不足，失望也！如果用上膏蟹效果會好得多！而且半圍都係一隻蟹，一人食得一隻蟹腳乎？最後係加左$150升級全隻樟茶鴨，據老闆娘話係靜係風乾都用上一個禮拜，每次只做七隻，賣曬先再做。呢隻樟茶鴨算有水準，冇鴨騷味，皮脆肉香下酒一流，為呢餐飯挽回些分數。最後陪埋老豆砌餅，呢餐飯就在我們的生日歌聲中完結。